Inicio | Turismo | TERMALISMO
BALNEARIO HISTÓRICO DE 1937
Un dos emblemas do muncipio.
Cortegada está considerada como unha das primeiras poboacións en contar cunha casa de baños funcional. A súa tradición termal é unha das máis antigas de Galicia; as súas augas medicinais están documentadas desde o século XV.
No ano 1816, Fernando VII xa recoñecía a casa de baños de Cortegada, que ao pouco tempo se converteu nun lugar de encontro e relaxación para as maiores elites do reino.
Nun principio, as instalacións termais non eran máis que pilóns a beira do río e no ano 1847 comézanse a instalar casetas de madeira, as cales eran desmontables dado as crecidas do río Miño en epoca invernal. Para cando chega o auxe das augas medicinais, a comezos do século XIX, xa existía unha estrutura consolidada en base ao termalismo.
No ano 1937, en plena guerra civil e previo á ditadura, constrúese o edificio modernista que hoxe podemos observar, a pesar de que o termalismo era practicamente inexistente na época. Trala construción do encoro de Frieira no ano 1970 foi o fin da época dorada do termalismo en Cortegada.
Este emblemático edificio foi reformado integramente no ano 2019, actualmente adicado a museo termal e restaurante.