Oficina de rehabilitación programa barrios
Dirección:
Casa do Concello, rúa Otero Novas, 1 - Planta baixa
Teléfono: 607 229 472
Correo electrónico: --
Cita Previa de atención ao público martes de 09:00 h a 15:00 h.
Consulte toda a información relativa a axudas para a rehabilitación das edificacións do Concello de Cortegada:
A Oficna Técnica
A Oficina Técnica de Rehabilitación do Concello de Cortegada informa, asesora e xestiona a tramitación de axudas, aos particulares que deciden rehabilitar as súas vivendas, de acordo co que establece o Plan Estatal de Vivenda vixente.
O equipo da Oficina é un apoio en todo o proceso de rehabilitación, pola capacidade técnica e a proximidade á cidadanía e residentes.
Xestións que leva a cabo:
- Asesora e informa ao público das actuacións que contempla o Plan de Vivenda que esté vixente.
- Tramita os expedientes e realiza o seguimento técnico de obras do Plan de Vivenda.
- Realiza as visitas técnicas necesarias das actuacións de rehabilitación con axudas autonómicas ou estatais.
- Supervisa os orzamentos.
- Colabora e coordina as accións e programas que desenvolve a Oficina cos departamentos municipais implicados.
- Informa doutras actuacións subvencionables.
O “Programa de axuda ás actuacións de rehabilitación a nivel de barrio” está dirixido a obras de rehabilitación en edificios completos de uso predominante residencial (vivenda unifamiliar ou colectiva) nas que se alcancen uns obxectivos de eficiencia enerxética.
O inmoble debe estar situado no Entorno Residencial de Rehabilitación Programada (ERRP) do “Conxunto histórico de Betanzos e a súa zona de protección”.
O Concello de Cortegada tramita esta axuda financiada pola Unión Europea a través dos Fondos NextGenerationEU. A presentación da solicitude da axuda farase mediante a instancia normalizada e os formularios que se inclúen como anexos da convocatoria, preferentemente utilizando a sede electrónica do Concello de Cortegada.
O prazo de solicitudes de participación na subvención está aberto ata o 30 de decembro de 2025. As obras deberán estar finalizadas o 30 de xuño de 2026.
Máis información na Oficina de Rehabilitación do Concello de Cortegada.
Formularios para a presentación da solicitude: