Expropiación "Plan Especial do Parque Termal de Cortegada"
Pago da expropiación forzosa que se precisan ocupar para a execución do Plan Especial Termal
Os días 18 e 20 de novembro de 2024 dende as 10:00 ata as 14:00 horas e dende as 15:00 ata as 19:00 horas na Casa do Concello de Cortegada.
* Deberase achegar documentación que acredite a propiedade.
Preferiblemente:
Día 18, parcelas da 1 a 45
Día 20, parcelas da 46 a 89
Obxecto e Xustificación do proxecto de expropiación
A actuación que agora se pretende acometer desenvólvese nunha superficie de terreo de 91.683,11 m².
Sendo este ámbito de iniciativa pública, o sistema de actuación previsto para
a súa execución é o de , de modo que, a través deste sistema o que se pretende
é que a Administración actuante dispoña dos terreos necesarios para
poder acometer a transformación urbanística do ámbito en parcelas con usos
asistenciais/hostaleiros/deportivo/terciario, zonas verdes e equipamentos locais.
Por tal motivo, procede a tramitación deste procedemento de expropiación coa
única intención de obter a dispoñibilidade da superficie da que aínda non é
titular a Administración actuante a fin de poder acometer a urbanización deste
ámbito de actuación.
A expropiación aparece definida na normativa urbanística autonómica como un dos
sistemas de actuación directos por medio dos cales a Administración
expropiadora obtén a propiedade de todos os bens e dereitos incluídos no polígono
e executa as obras de urbanización (Art. 117 LSG).
Tratándose dunha expropiación urbanística, este procedemento de expropiación tramitarase
polo procedemento de taxación conxunta, procedemento que aparece
regulado no art. 117 e ss da Lei 2/2016, do 10 de febreiro do chan de Galicia.
En relación aos afectados pola expropiación do Plan Especial do Parque Termal de Cortegada, informamos que se encontra a disposición do público a documentación relativa aos traballos de expropiación, estará exposta durante un mes contado a partir do día seguinte a aquel en que teña lugar a recepeción da notificación.
Todos os interesados poderán revisar os documentos e presentar as alegacións que condideren oportunas. Poderán presentarse a través da sede electrónica ou ben presencialmente nas oficinas municipais.